අවුරුද්දෙවත් සුදුවක් කරන්න බැරිද කියා පොලිසියට පොලු වලින් පහරදීලා

මාකෙළිඇල්ල පොලිස්‌ මුරපළේ ස්‌ථානාධිපති උප පොලිස්‌ පරීක්‌ෂක යූ. අමරසිංහ මහතා ප්‍රදේශයේ කැටපොළක දබරයක්‌ ඇති බවට ලද තොරතුරකට අනුව එහි ගිය අවස්‌ථාවේදී එහි සිටි පිරිසක්‌ වටකරගෙන පහරදී ඇති අතර බදුරලිය රෝහලට ඇතුළත් කළ ඒ මහතා වැඩිදුර ප්‍රතිකාර සඳහා කළුතර නාගොඩ මහ රෝහලට මාරු කර එවා තිබේ.

පහර කෑමට ලක්‌වූ උප පොලිස්‌ පරීක්‌ෂකවරයා තවත් පොලිස්‌ නිලධාරියෙකු සමඟ එහි ගොස්‌ ඇත්තේ පොලිස්‌ හදිසි ඇමැතුම් ඒකකයට (119) ලද තොරතුරක්‌ අනුවය.

අවුරුද්දටවත් කැට ගහන්න බැරිදැයි එහි සිටි කාන්තාවක්‌ විමසා ඇති අතර අවුරුද්දට හෝ වෙසක්‌ උත්සවයට කියා සූදුවට නීතියේ වෙනසක්‌ නැතැයි උප පොලිස්‌ පරීක්‌ෂකවරයා මෙහිදී පිළිතුරු දී තිබේ.  එම අවස්‌ථාවේදී සමග බීමතින් සිටි පිරිස උප පොලිස්‌ පරීක්‌ෂකවරයා වට කරගෙන අතින් පයින් හා පොලු වලින් පහරදී තිබේ.

උප පොලිස්‌ පරීක්‌ෂකවරයා විසින් ගෙන ගිය බැටන් පොල්ලද කළහකාරීන් විසින් උදුරාගෙන තිබේ.  අත්අඩංගුවට ගත් සැකකරුවන් ඊයේ 16දා මතුගම මහෙස්‌ත්‍රාත් අධිකරණයට ඉදිරිපත් කිරීමට නියමිතව තිබූ අතර තවත් සැකකරුවන් පිරිසක්‌ අත්අඩංගුවට ගැනීමට පොලිසිය පරීක්‌ෂණ පවත්වයි.

කළුතර කොට්‌ඨාස භාර පොලිස්‌ අධිකාරි උපුල් නිල්මිණි ආරියරත්න මහතාගේ උපදෙස්‌ මත බදුරලිය පොලිස්‌ ස්‌ථානාධිපති පරාක්‍රම උඩවත්ත මහතා වැඩිදුර පරීක්‌ෂණ පවත්වයි.

Comments

අදහස් ලියන්න

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.