ඇමති ෆයිසර් මුස්තාපා මුස්ලිම් අන්තවාදය ගැන හෙළිදරව් කරයි

මෙරට සමහර මුස්ලිම් ලේබල් ගසාගත් දේශපාලන පක්ෂ ජනතාවට හොඳ මුහුණ පෙන්වමින් රහසිගත න්‍යාය පත්‍රයන්ට අනුව වැඩ කරමින් ජනතාව මුළාවේ දැමීමට උත්සාහ කරන බව පළාත් සභා සහ පළාත් පාලන අමාත්‍ය ෆයිසර් මුස්තාෆා පවසයි. ඉදිරියේ පැවැත්වීමට නියමිත පළාත් පාලන මැතිවරණය සඳහා තරග වදින බියගම ප්‍රදේශයේ අපේක්ෂකයෙකුගේ රැස්වීමකට සහභාගී වී අමාත්‍යවරයා මෙම අදහස් පළ කළේය.

එහිදී වැඩිදුරටත් අදහස් පලකළ අමාත්‍යවරයා කියා සිටියේ මෙම ජාතිවාදී සහ ආගම්වාදී මුස්ලිම් පක්ෂ ඉස්ලාම් ආගම විකුණාගෙන කමින් මහජනයා විශාල ලෙස රැවටීමකට ලක් කරන බවයි.
” ඉස්ලාම් ආගම විකුණමින් සිදු කරන දේශපාලනය කිසිදු වැඩකට නැති දේශපාලනයක්. ආගමක් කියන්නේ පෞද්ගලික දෙයක්. ආගම සහ දේශපාලනය පටලවා ගන්න හොද නෑ.” යි අමාත්‍යවරයා කියා සිටියේය. එහිදී අමාත්‍යවරයා ජනතාවගෙන් ඉල්ලා සිටියේ එවන් ජාතිවාදී මුස්ලිම් දේශපාලන පක්ෂ වලට ඡන්දය නොදෙන ලෙසය. එවන් පක්ෂ වලට ඡන්දය දීම මුස්ලිම් ජනයාගේම විනාශයට හේතුවන බවද ඔහු කියා සිටියේය.

Comments

අදහස් ලියන්න

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.