රජරට වකුගඩු නැසූ රවුන්ඩප් ආයෙත් කඳුකරයට ගේන්න ඇමති කෙනෙක් වලිකයි!

මෙරටට ගෙන්වීමට තහනම් කර ඇති ග්ලයිෆොසෙට්‌ කෘෂි රසායනය නැවත මෙරටට ගෙන්වා බෙදාහැරීමට වතුකරයට සම්බන්ධ රජයේ ප්‍රබල ඇමැතිවරයකු කටයුතු කරමින් සිටින බව කඳුරට නව ගම්මාන යටිතල පහසුකම් සහ ප්‍රජා සංවර්ධන ඇමැති පලනි තිගාම්බරම් මහතා පැවසීය.

ග්ලයිෆොසෙට්‌ කෘෂි රසායනය වතුකරයේ බෙදාහැරීමේ සූදානමක්‌ ඇති බවත් එසේ වුවහොත් තමා දැඩි විරෝධය පළකරන බවත් හෙතෙම සඳහන් කළේය.

මේ පිළිබඳව තිගාම්බරම් ඇමැතිවරයා මෙසේ ද කීවේය.

‘ග්ලයිෆොසෙට්‌ වකුගඩු රෝගයට තුඩු දෙන රෝගකාරක පතුරුවා හරින කෘෂි රසායනයක්‌. ජනාධිපතිතුමා මේ රසායනය ලංකාවට ගෙන්වීම තහනම් කළා. එසේ තිබියදී රජයේම ඇමැතිවරයකු නැවත ග්ලයිෆොසෙට්‌ ගෙන්වීමට ක්‍රියා කරනවා නම් අපි එකහෙළා විරෝධය පළ කරනවා. මේක වතුකරයට බෙදාහරින බව ආරංචියි. මේවා වතුකරයට හෝ රටට අවශ්‍ය නැහැ. එය නැවත ගෙන ආවොත් අපි දැඩිව නැගී සිටිනවා’

ග්ලයිපොසෙට් යනු ශ්‍රී ලංකාවේ රජරට වකුගඩු රෝගයට ඉඳුරාම වගකිව යුතු ඇමරිකාවේ මොන්සන්ටෝ සමගම විසින් නිෂ්පාදනය කර ගෙන්වා බෙදා හරින (වෙළද නාමය රවුන්ඩ් අප් ) නම් වූ පුර්ණ වල්

නාශකයයි. මෙම රසායනය හරහා මෙම සමාගම ප්‍රකෝටි ගණනින් මුදල් හම්බ කර ඇති අතර එම නිසා මෙය ප්‍රවර්ධනය සදහා මෙම සමාගම ඇත දිග හැර බලධාරීන් සහ නිලධාරීන් වෙනුවෙන් මුදල් වියදම් කරන බව නොරහසකි.  ආචාර්ය චන්න ජයසුමන ඇතුළු කණ්ඩායමක් පසුගිය කාලයේ ඉතා ප්‍රබල බාධා කිරීම් මධයේ එම රසායනිකය මෙම ශ්‍රී ලංකාවේ වකුගඩු රෝගය කෙරේ ඉදුරාම වගකිය යුතු බව ප්‍රකාශ පරික්ෂනාත්මකව ඔප්පු කරද්දී පවා එය පිළිගැනීමට වසර ගණනාවක් ගත වුයේත් මෙම බහු ජාතික සමගමේ ප්‍රබල මුල්‍ය බලය නිසා බව තතු දන්නෝ දනිති. එතරම් කැපකිරීමකින් තහනම් කරගත් මෙම රසායනිකය නැවත ගෙන්වීමෙන් නැවතත් තවත් පදවියක් ඇති කිරීමට සුදානම් වන්නේ මෙකියන ඇමති වරුන්ට කොපමණ මුදලක් පිදේනි වශයෙන් ලබිදැයි බුද්ධිමත් ඔබ සිතා බැලිය යුතු නොවේද?

Comments

අදහස් ලියන්න

Leave a Reply

Your email address will not be published. Required fields are marked *

}